Անհրաժեշտության դեպքում ԱՄՆ-ն «կպայթեցնի» օտարերկրյա հանցավոր խմբավորումներին
ԱՄՆ պետքարտուղար Մարկո Ռուբիոն հայտարարել է, որ ԱՄՆ-ն անհրաժեշտության դեպքում «կպայթեցնի» օտարերկրյա հանցավոր խմբավորումները, հնարավոր է՝ համագործակցելով այլ երկրների հետ. գրում է BBC-ն։
«Նրանք կօգնեն մեզ գտնել ու պայթեցնել այդ մարդկանց, եթե դա անհրաժեշտ լինի»,- ասել է Ռուբիոն Էկվադոր կատարած այցի ժամանակ։
Նա նաև հայտարարել է, որ ԱՄՆ-ն Էկվադորի երկու խոշորագույն հանցավոր խմբավորումներին՝ «Լոս Լոբոսին» և «Լոս Չոներոսին», կճանաչի որպես օտարերկրյա ահաբեկչական կազմակերպություններ։
Մեկնաբանությունները հնչել են Կարիբյան ծովում ամերիկյան ուժերի կողմից նավի վրա հարձակումից մի քանի օր անց։ Սպիտակ տունը հայտարարել է, որ գործողության հետևանքով սպանվել է թմրանյութերի ապօրինի շրջանառությամբ զբաղվող 11 անձ․ նրանց ինքնությունները չեն բացահայտվել։
