Պետքարտուղարությունն Իրանի հետ կապված չորս խմբավորման դասել է «ահաբեկչականների» շարքում
Պետքարտուղարությունն Իրանի հետ կապված «Հարաքաթ ալ–Նուջաբա», «Քաթաիբ Սայիդ ալ–Շուհադա», «Հարաքաթ Անսար Ալլահ ալ–Աուֆիա» և «Քաթաիբ ալ–Իմամ Ալի» աշխարհազորային խմբավորումները որակում է որպես օտարերկրյա ահաբեկչական կազմակերպություններ։
Նախկինում գերատեսչությունն այս չորս խմբավորումներն էլ որակել էր որպես հատուկ նշանակված գլոբալ ահաբեկիչներ։
«Իրանի հետ կապված աշխարհազորային խմբավորումները հարձակումներ են իրականացրել Բաղդադում ԱՄՆ դեսպանատան և ԱՄՆ ու կոալիցիոն ուժերը հյուրընկալող բազաների վրա՝ սովորաբար օգտագործելով կեղծ անուններ կամ լիազորված խմբեր՝ իրենց ներգրավվածությունը թաքցնելու համար»,- ասված է Պետդեպի հայտարարության մեջ։
Նշվում է, որ գործողության նպատակը Թրամփի Ազգային անվտանգության նախագահական հուշագիր-2-ին աջակցելն է, որը պարտադրում է «առավելագույն ճնշում Իրանի վրա՝ ռեժիմի և նրա ահաբեկչական լիազորված անձանց ու գործընկերների եկամուտները կրճատելու համար»։ «Միացյալ Նահանգները կշարունակի օգտագործել բոլոր հասանելի գործիքները՝ մեր ազգային անվտանգության շահերը պաշտպանելու և ահաբեկիչներին ֆինանսավորումն ու ռեսուրսները մերժելու համար»,- հայտարարել են Պետդեպից։
