Հույս ունենք, որ սահմանների բացումը տեղի կունենա հնարավորինս շուտ․ թուրք պատգամավորը՝ Երևանում
Հայաստանը, Թուրքիան, Ադրբեջանը հարևաններ են, և նոր էջ է բացվում նրանց հարաբերությունների կարգավորման ու զարգացման հարցում․ Երևանում անցկացվող ՆԱՏՕ ԽՎ 108-րդ Ռոուզ-Ռոթ սեմինարի շրջանակում տեղի ունեցած ճեպազրույցում ասել է ՆԱՏՕ ԽՎ ենթահանձնաժողովի նախագահ, Թուրքիայի խորհրդարանի պատգամավոր Ֆաթմա Աքսալը՝ անդրադառնալով հայ-թուրքական հարաբերություններին և հայ-ադրբեջանական խաղաղության գործընթացին։
«Մենք ողջունում ենք Հայաստանի ու Ադրբեջանի միջև խաղաղության համաձայնագրի գործընթացի մեկնարկը։ Խաղաղությունը ձեռնտու է բոլորին։ Բոլորս օգուտ կքաղենք խաղաղությունից, ինչը կարևոր է ոչ միայն երկրների, այլև ընդհանուր տարածաշրջանի զարգացման համար։ Հույս ունենք, որ սահմանների բացումը տեղի կունենա հնարավորինս շուտ»,– ասել է նա։
