Երրորդ vs չորրորդ հանրապետություն․ Փաշինյանը ներկայացրել է տարբերությունները
Նիկոլ Փաշինյանը ֆեյսբուքյան էջում ներկայացրել է Հայաստանի «երրորդ և չորրորդ» հանրապետությունների տարբերությունները։
Փաշինյանի խոսքով՝ Երրորդ հանրապետությունը հիմնված է կոնֆլիկտի տրամաբանության վրա, իսկ չորրորդ հանրապետությունը՝ խաղաղության։
«Երրորդ հանրապետությունում Սահմանադրության ժողովրդի ազատ կամարտահայտմամբ և քվեարկությամբ ընդունված լինելը խիստ կասկածի տակ է, իսկ չորրորդ հանրապետությունում նման կասկած ընդհանրապես չպետք է լինի»,- ասել է նա։
Նա նաև հավելել է, որ երրորդ հանրապետությունում իշխանության պատկանելիությունը ժողովրդին հարաբերական և ֆորմալ է, իսկ չորրորդ հանրապետությունում այն պետք է լինի հստակ և անառարկելի։
«Երրորդ հանրապետությունը վերաբերում է հայրենիքի մասին երազանքներին և այն փնտրելուն, իսկ չորրորդ հանրապետությունը նշանակում է, որ Հայաստանի Հանրապետությունը մեր երազանքների հայրենիքն է, և հայրենիք փնտրելու կարիք չկա»,-ասել է նա։
