Սերժ Սարգսյանն արձագանքել է Արման Թաթոյանի նախաձեռնության հետ իր հնարավոր կապի մասին խոսակցություններին
Մարդիկ կարող են բաժակ նայել ու ենթադրություններ անել․ ասել է ՀՀ 3-րդ նախագահ Սերժ Սարգսյանը՝ անդրադառնալով դիտարկմանը, թե Արման Թաթոյանի ղեկավարած «Միասնության թևեր» նախաձեռնությունը որոշ շրջանակներ կապում են Սերժ Սարգսյանի անվան հետ։
«Մարդիկ կարող են բաժակ նայել և ենթադրություններ անել իմ մասնակցության մասին տարբեր կառույցներում կամ նախաձեռնություններում։ Ես բոլորին հաջողություն եմ մաղթում»,- նշել է Սարգսյանը։
ՀՀ երրորդ նախագահ Սերժ Սարգսյանը Հակակոռուպցիոն դատարանում էր: Նիստից առաջ արձագանքել է նոր ձևավորվող քաղաքական միավորների հետ իր հնարավոր մասնակցության մասին խոսակցություններին։
