Ոչ ոք և ոչինչ չի կարող խոչընդոտել ՀՀ-ի և ՌԴ-ի բարեկամությանը․ Գուրգեն Արսենյան

Հայաստանը և Ռուսաստանը եղբայրական ազգեր են, և սա անհերքելի է. ոչ ոք և ոչինչ չի կարող խոչընդոտել մեր բարեկամությանը։ Այս մասին հայտարարել է Մոսկվայում Հայաստանի դեսպան Գուրգեն Արսենյանը։

Նրա խոսքով՝ երկու երկրների միջև տնտեսական համագործակցությունը զարգանում է ներդաշնակորեն։

«Ռուսաստանի Դաշնությունն ավանդաբար եղել է Հայաստանի հիմնական տնտեսական գործընկերը։ Ռուսաստանը մեր տնտեսությունում ամենամեծ ներդրողն է և մեր արտահանման հիմնական շուկան»,- նշել է դեսպանը՝ ընդգծելով, որ Ռուսաստանում հայկական սփյուռքի ներկայությունը դրական ազդեցություն ունի երկկողմ հարաբերությունների վրա։