Վալոդյա Գրիգորյանի սպանության գործով ստացվել է դատագենետիկական փորձաքննության եզրակացությունը․ մանրամասներ
Մերձավանում տեղի ունեցած սպանության դեպքի առթիվ նախաձեռնված քրեական վարույթի նախաքննության ընթացքում ստացվել է դատագենետիկական փորձաքննության եզրակացությունը, համաձայն որի՝ կատարված խուզարկության ժամանակ հայտնաբերված իրերի, մասնավորապես՝ հեռադիտակի մակերեսից և ուսակապիչից, կարմիր գույնի ձեռնոցներից անջատված ԴՆԹ-ները համընկնում են Գ.Հ.-ին բնորոշ գենետիկական բնութագրին․ հայտնում է Քննչական կոմիտեի խոսնակ Կիմա Ավդալյանը։
Հիշեցնենք, որ սեպտեմբերի 23-ին սպանվել էր Փարաքար համայնքի ղեկավար Վալոդյա Գրիգորյանը։
