Կոչուբաևի նկատմամբ կիրառված դատավարական հարկադրանքի միջոցներն անհամաչափ և ոչ անհրաժեշտ միջոցներ են․ Փաստաբանների իրավունքների պաշտպանության հանձնաժողովի եզրակացությունը
ՀՀ փաստաբանների պալատի Փաստաբանների իրավունքների պաշտպանության հանձնաժողովը քննարկել է փաստաբան Ալեքսանդր Կոչուբաևի նկատմամբ իրականացվող քրեական հետապնդման և կալանավորման հարցն ու եզրակացրել.
- Նրա նկատմամբ կիրառված դատավարական հարկադրանքի միջոցներն անհամաչափ և ոչ անհրաժեշտ միջոցներ են:
- Կոչուբաևի փաստաբանական գրասենյակի, ավտոմեքենայի և բնակարանի խուզարկությունն անհամաչափ և նույնիսկ վիրավորական միջամտություն են:
- Պետության ներկայիս գործելաոճը չի բխում ժողովրդավարական հասարակության շահերից։
Հանձնաժողովը պահանջում է իրավասու մարմիններին քննության ենթարկել Ալեքսանդր Կոչուբաևին վարույթն իրականացնող մարմին հարկադրաբար ներկայացնելու գործողության ժամանակ անհամաչափ ուժի կիրառման վերաբերյալ տեղեկությունները և իշխանազանցություն թույլ տված պաշտոնատար անձանց ենթարկել համարժեք պատասխանատվության։
Եզրակացությունն ամբողջությամբ՝ այստեղ։
