Հույս ունենք, որ նման գործընթացները չեն հանգեցնի դատական իշխանության բաժանմանը ժողովրդից. Զախարովան՝ Գումրու քաղաքպետի ձերբակալության մասին
ՌԴ ԱԳՆ ներկայացուցիչ Մարիա Զախարովան ճեպազրույցի ժամանակ նշել է, որ ՌԴ-ն ուշադիր հետևում է Գյումրիում իրավիճակին, որտեղ գտնվում է ռուսական 102–րդ ռազմաբազան, հյուպատոսությունը, «Ռուսսոտրուդնեչեստվոյի» մասնաճյուղը:
«Մենք խնամքով ենք վերաբերում ռուս-հայկական հարաբերություններին, միշտ պաշտպանում ենք նրանց, ովքեր հանդես են գալիս մեր ազգերի ավանդական կապերի օգտին: Ինչ վերաբերում է քաղաքապետի ձերբակալությանը, դա երկրի ներքին գործն է: Միևնույն ժամանակ՝ նշում ենք, որ մի քանի համայնքների ղեկավարների դեմ հարուցվել են գործեր, ոմանց ձերբակալել են: Հույս ունենք, որ նման գործընթացները չեն հանգեցնի դատական իշխանության բաժանմանը ժողովրդից և դրա հանդեպ վստահության անկման, ինչի մասին խոսել է հենց երկրի վարչապետը՝ որպես համակարգային խնդրի», – նշել է Զախարովան՝ հավելելով, որ դա այժմ ավելի ակտուալ է, քանի որ Հայստանն անցնում է նոր ընտրական շրջանի. 2026թ-ի հունիսին նախատեսվում են խորհրդարանական ընտրություններ:
