3-ամյա Տիգրանը կորել է տան մոտակայքում․ համայնքի վարչական ղեկավարը մանրամասներ է հայտնել

Արդեն մեկ օր է շարունակվում են 3 տարեկան Տիգրան Օվանեսովի որոնողական աշխատանքները․ երեխան կորել է տան մոտակայքից․ այս մասին ABC Мedia-ի հետ զրույցում ասաց Ծափաթաղի վարչական ղեկավար Դավիթ Գզողյանը։

«Ողջ գիշեր որոնել ենք, հիմա էլ ենք որոնում, դեռ նորություն չկա։ Որոնողական աշխատանքներում ներգրավված են ոստիկանական և փրկարարական մեծաթիվ ուժեր»,-ասաց Գզողյանը։

Հիշեցնենք, որ հոկտեմբերի 27-ին՝ ժամը 18.00-ի սահմաններում, ՆԳՆ ոստիկանության օպերատիվ կառավարման կենտրոը հաղորդում է ստացվել, որ Գեղարքունիքի մարզի Ծափաթաղ գյուղի բնակիչ 2022 թվականին ծնված Տիգրան Օվանեսովը կորել է։