Մենք և Ադրբեջանը հասկացանք, որ կարող են լինել ընդհանուր շահեր. Փաշինյանի ելույթը՝ կետերով
Նիկոլ Փաշինյանը Փարիզի Խաղաղության 8-րդ ֆորումի շրջանակում մասնակցել է «Առաջնորդության խաչմերուկներում» խորագրով քննարկմանը։ Փաշինյանի ելույթի որոշ առանցքային կետեր ներկայացնում ենք ստորև․
- Ունենք խաղաղություն, և դա իրականություն է։ Սա պատմական փոփոխություն է ոչ միայն Ադրբեջանի հետ մեր երկկողմ հարաբերությունների, այլ նաև մեր տարածաշրջանի համար ընդհանուր առմամբ:
- Հայաստանը և Ամերիկայի Միացյալ Նահանգները երկկողմ կարգով կիրականացնեն «Թրամփի ուղի» ծրագիրը՝ հանուն խաղաղության և բարեկեցության։
- Հայաստանի և Ադրբեջանի միջև սահմանների բացումը թույլ կտա ստեղծել բաց հաղորդակցման ուղիներ Պարսից ծոցի, Օմանի ծոցի և Սև ծովի միջև։
- Հայաստանը կունենա երկաթուղային կապ Իրանի, Ռուսաստանի և Կենտրոնական Ասիայի հետ։
- Որոշ ժամանակ հետո մենք և Ադրբեջանը հասկացանք, որ կարող են լինել որոշ ընդհանուր շահեր։
- Ես կարծում եմ, որ դիվանագիտական հարաբերությունների հաստատումը Թուրիքիայի հետ և Թուրքիայի հետ սահմանի բացումը ընդամնեը ժամանակի հարց է։ Հիմա որևէ խոչընդոտ չկա։ Կարծում եմ դա տեղի կունենա, և մենք կլինենք նորմալ հարևաններ։
