Ալիևը հորդորել է հայերին չվախենալ ադրբեջանցիների «վերադարձից ներկայիս Հայաստանի տարածք»
Ադրբեջանցիների «վերադարձը ներկայիս Հայաստանի տարածք» չպետք է վախեցնի հայ ժողովրդին և պետությանը։ Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Ադրբեջանի գիտությունների ազգային ակադեմիայի 80-ամյակին նվիրված միջոցառման ժամանակ։
Ալիևը նաև հայտարարել է, թե իր հանձնարարությամբ արդեն մի քանի ամիս է, ինչ «Ղարաբաղում և Արևելյան Զանգեզուրում լայնածավալ երկրաբանական աշխատանքներ են իրականացվում»։
«Ես նաև հանձնարարություններ եմ տալիս պետական մարմիններին, և կարծում եմ, որ առաջիկա մի քանի ամիսների ընթացքում մենք կսկսենք շատ լավ լուրեր ստանալ», – հայտարարել է Ալիևը։
