Ալիևը չի ասել՝ այսօր չկա Սևան, կա Գյոյչա, նրա ձևակերպումը Ցարական քարտեզների մասին էր․ Արարատ Միրզոյան
Ալիևի ձևակերպումն էսպես էր՝ Ցարական քարտեզներում չկա Սևան, կա Գյոյչա, չեմ կարծում՝ կարելի է ասել, որ Ալիևն այսօր ասում է չկա Սևան կա Գյոյչա․ լրագրողների հետ զրույցում մեկնաբանելով Ալիևի՝ Սևանի մասին հայտարարությունը, ասել է ՀՀ արտգործնախարար Արարատ Միրզոյանը։
«Ամեն դեպքում սա ամենակառուցողական ձևակերպումը չէ և չէինք ասի, որ տեղավորվում է խաղաղության նարատիվի մեջ։ Ես էլ կարող եմ ասել, որ կան Ցարական քարտեզներ, որտեղ կա Սևան։ Չեմ էլ ուզում ավելի հետ գնալ պատմության մեջ, որովհետև անհարմար վիճակ կարող է ստեղծվել և հայկական տեղանուններ տեսնենք մի քիչ ավելի լայն տարածքի վրա։ Խոսենք իրական Հայաստանի, այսօրվա սահմանների, Ադրբեջանի կողմից ճանաչված սահմանների մասին»,-ասել է Միրզոյանը։
Խոսելով ապակառուցողական նարատիվների մասին՝ Միրզոյանը հորդորել է ուշադրություն դարձնել, Ալմա-Աթայում տարածքի փոխադարձ ճանաչման մասին փաստաթղթին, որը ստորագրված է և որի կշիռն անհամեմատ մեծ է։
