ՀԷՑ-ի շուրջ քաղաքական արկածախնդրության վերջին արարը. այսպես է ՀԷՑ տնօրենի նախկին ԺՊ-ն մեկնաբանել նոյեմբերի 13-ին սպասվող ՀԾԿՀ նիստը

Հայաստանի Հանրային ծառայությունները կարգավորող հանձնաժողովը նոյեմբերի 13-ին նախատեսում է դադարեցնել Սամվել Կարապետյանին պատկանող «Հայաստանի էլեկտրական ցանցերի» (ՀԷՑ) բաշխման լիցենզիան. գրել է ՀԷՑ նախկին տնօրեն Դավիթ Ղազինյանը։

«Այս որոշումը բացահայտում է իշխանության խորքային քաղաքական նպատակները՝ սեփականության վերաբաշխման նոր, բացահայտ քաղաքական փուլի ձևով։

Լիցենզիայի դադարեցումը՝ առանց որևէ շուկայական կամ տեխնիկական խախտման փաստարկի, նշանակում է բացահայտ ոտնձգություն սեփականության իրավունքի դեմ։ Դա համարժեք է բռնազավթման՝ փոխհատուցման քողի տակ, ինչը հակասում է ՀՀ Սահմանադրության 60-րդ հոդվածին և էներգետիկ ոլորտի կայունության ու կանխատեսելիության սկզբունքներին»,-գրել է Դավիթ Ղազինյանը։