ՀԷՑ-ը զրկվեց լիցենզիայից

Դադարեցվեց ՀԷՑ-ի` «Տաշիր Կապիտալ» ընկերությանը տրված լիցենզիան։

Այսօրվա նիստում նման որոշում կայացրեց Հանրային ծառայությունները կարգավորող հանձնաժողովը՝ երկարատև քննարկումներից հետո։

ՀԾԿՀ նախագահ Մեսրոպ Մեսրոպյանը հայտնել է, որ առաջիկա 3 ամիսներին պետությունը սեփականատիրոջ կամ ՀԷՑ տնօրենների խորհրդի հետ կսկսի բանակցել գույքի սեփականության իրավունքի փոխանցման վերաբերյալ։ Եթե, ըստ նրա, այդ 3 ամսվա ընթացքում կողմերը չգան համաձայնության, ապա պետությունը կարող է գերակա շահի իրավունքով վերցնել սեփականության իրավունքը։