ԱՄՆ պետքարտուղարի տեղակալի հետ խոսել եմ գերիների վերադարձի հարցի մասին․ Փաշինյանի ճեպազրույցը՝ կետերով
ՀՀ կառավարության նիստից հետո Նիկոլ Փաշինյանը պատասխանել է լրագրողների հարցերին, որի առանցքային հատվածներ ներկայացնում ենք ստորև
- ՀՀ-ում, բացի մեր ասած «Խաղաղութան խաչմերուկից» և զուգահեռաբար Վաշինգտոնի հռչակագրի ստորագրված արդյունքում TRIPP նախագծից, ուրիշ անունով կոմունիկացիա գոյություն չունի։ Այլ տերմինաբանություն կապ չունի Հայաստանի հետ։
- Շնորհակալություն եմ հայտնում նախագահ Թրամփին. Firebird ընկերության կողմից Հայաստանում ներդրումներ կատարելու ծրագիրն իրականացվում է օգոստոսի 8-ին Վաշինգտոնում կայացած հանդիպումից հետո։
- ԱՄՆ պետքարտուղարի տեղակալի հետ հանդիպել եմ, հատուկ անդրադարձել եմ գերիների վերադարձի հարցին, ներկայացրել եմ, թե մենք երկկողմ մակարդակում ինչ ենք անում այդ խնդրի հետ կապված: Խնդրել եմ տեղեկություններ տալ, թե ԱՄՆ կողմից ինչ ջանքեր են գործադրվում այդ ուղղությամբ, խնդրել եմ այդ հարցը պահել ուշադրության կենտրոնում։
- Մայր Աթոռի ազատագրման գործընթացը սկսել է, ընթանում է և անխուսափելիորեն հասնելու է տեղ։
