Ղազախստանը հետաքրքրված է TRIPP-ով և տարածաշրջանային համագործակցությամբ․ Տոկաև
Ղազախստանը հետաքրքրված է «Թրամփի երթուղի՝ հանուն միջազգային խաղաղության և բարգավաճման» (TRIPP) նախագծին մասնակցությամբ։ Այս մասին հայտարարել է Ղազախստանի նախագահ Կասիմ-Ժոմարտ Տոկաևն Աստանայում Նիկոլ Փաշինյանի հետ բանակցություններից հետո մամուլի ասուլիսի ժամանակ։
«Մենք ընդգծում ենք մեր հետաքրքրությունը TRIPP-ին։ Հյուսիս-Հարավ և Միջին միջանցքի նման նախաձեռնությունները համապատասխանում են երկու երկրների շահերին»,- նշել է նա։
Տոկաևն ընդգծել է տրանսպորտային և տարանցիկ հնարավորությունների կարևորությունը։
«Հարավային Կովկասում ստեղծված նոր աշխարհաքաղաքական իրավիճակը հնարավորություն է ստեղծում ամրապնդելու տարածաշրջանային համագործակցությունը», – հավելել է նա։
Տոկաևը նաև նշել է, որ ինքը և Փաշինյանը քննարկել են տնտեսական, ներդրումային և արդյունաբերական համագործակցության լայն շրջանակի հարցեր։ Նրա խոսքով՝ կողմերը պայմանավորվել են համատեղ ներդրումային նախագծեր իրականացնել և բիզնես համայնքների միջև կապերը զարգացնել։
