Փաշինյանին արժեքներ պետք չեն․ ժողովրդին շփոթեցնելու համար նա «բառերի խառնաշփոթ» է ստեղծում․ МК

Դատելով այն ամենից, ինչ մենք այսօր գիտենք Փաշինյանի մասին, նա ատում է այն ամենը, ինչը «բարձր» է և կապված չէ նյութական արժեքների հետ։ Նրա համար դա ավելորդ «բեռ» է. գրել է Московской Комсомолец-ը։

Ինչպես նշվել է, նախնիների հերոսությունը, նրանց ռազմական սխրանքները, ժողովրդի ողբերգությունների հիշողությունը և նույնիսկ ժողովրդի ինքնությունն ու ավանդական եկեղեցին ավելորդ են Փաշինյանի տեսանկյունից. դրանց համար տեղ չկա նրա «իրական Հայաստանի» հայեցակարգում։ Այս գաղափարախոսությամբ Ղարաբաղ պետք չէ, Թուրքիայում Հայոց ցեղասպանությունը հիշարժան չէ։ Փաշինյանը պատրաստ է հրաժարվել դրանից։ Նա եկեղեցու կարիք չունի, և Փաշինյանը փորձում է այն բաժանել։ Նա չունի հայկական սփյուռքի կարիքը, որը գտնվում է իր վերահսկողությունից դուրս, և կոչ է անում խզել կապերը դրա հետ։ Դրա դիմաց ժողովրդին առաջարկվում է «հիմնական կարիքների բավարարում», այսինքն՝ սնունդ, ջուր, ջերմություն և վերարտադրվելու հնարավորություն։

Փաշինյանը որոշել է ոչ միայն Մայր օրենքից հանել այն դրույթները, որոնք նյարդայնացնում են իր «գործընկերներին», այլև՝ փոխել ամբողջ Սահմանադրությունը։ «Դա նման է պահեստի հրդեհի, որը բռնկվել է հենց պահեստապետի կողմից՝ պակասորդը թաքցնելու համար։ Ինչո՞ւ ընտրություններից հետո։ Նա հույս ունի, որ իր կուսակցությունը կստանա խորհրդարանական մեծամասնություն, ինչը նրան թույլ կտա հեշտությամբ անցկացնել հանրաքվե՝ ցանկալի արդյունքով։ Եվ ժողովրդին շփոթեցնելու համար նա բառերի խառնաշփոթ է ստեղծում։ Աերոդինամիկա, տիեզերանավեր… Բայց ձիերը չեն թռչում», – գրել է կայքը։