Ստորագրահավաք՝ հոսանքի սակագինն իջեցնելու պահանջով
Էլեկտրաէներգիայի սակագնի նվազեցման պահանջով համապետական ստորագրահավաքի մեկնարկը տրված է, նախաձեռնությունը «Մեր ձևով» շարժմանն է:
Շարժման անդամներ Արթուր Միքայելյանն ու Գոհար Մելոյանը մամուլի ասուլիսի ընթացքում հայտնեցին, որ հայտագիրը ներկայացնելու են ՀԾԿՀ՝ օրենքով սահմանված ժամկետում պատասխան ակնկալելով։
Ստորագրահավաքին կարող է մասնակցել ՀՀ ցանկացած քաղաքացի։
«Շատ հեշտացված կարգ է, ուղղակի թղթի վրա տվյալներ են մուտքագրվում, այնուհետև մենք արդեն համակարգված կներկայացնենք իրավասու մարմնին»,- նշեց Գոհար Մելոյանը:
Նա կարծում է, որ վարչապետին պետք է ուղղել հետևյալ հարցադրումը. «Եթե Դուք ասում եք, որ երեք տարի անց նոր կարող է սակագինը նորից բարձրացնելու խնդիր առաջանալ, ապա ինչո՞ւ մենք երեք տարվա կտրվածքով այս պահի դրությամբ հոսանքի սակագինը չենք իջեցնում»:
Հիշեցնենք, որ «Տաշիր կապիտալի» անունից երկու անգամ դիմում է ներկայացվել ՀԾԿՀ-ին՝ էլեկտրաէներգիայի սակագինն իջեցնելու համար: Առաջին դիմումը մերժվել է, երկրորդը դեռ անպատասխան է:
