ԱԱԾ-ից խնդրել են, որ պատարագին Վեհափառի անունը չտամ, մերժել եմ. Գյումրիի Սուրբ Հակոբ Մծբնեցի եկեղեցու քահանա Տեր Ռուբեն
«Սատանան, դևերը և նրանց գործակիցներն են»: Գյումրիի Սուրբ Հակոբ Մծբնեցի եկեղեցու քահանա Տեր Ռուբենը սրտնեղած է. երեկվանից համացանցում տեղեկություն են շրջանառում, թե Շիրակի թեմի բոլոր քահանաները հրաժարվել են Փաշինյանի մասնակցությամբ պատարագին շրջանցել Վեհափառի անունը՝ բացի մի հոգուց, ու այդ մեկը ինքն է. գրում է «Ազատություն» ռադիոկայանը։
«Ես Կարենին ասել եմ, որ ես իրավունք չունեմ տենց բան անելու, 25 տարի ես Վեհափառի անունը տվել եմ, ինչի՞ մասին է խոսքը», – ասել է Տեր Ռուբեն քահանա Գասպարյանը:
Արդյո՞ք Նիկոլ Փաշինյանն այս կիրակի՝ երկրաշարժի զոհերի հիշատակի օրը մտադիր է Գյումրիում պատարագի մասնակցել, այս մասին պաշտոնապես ոչինչ հայտնի չէ, սակայն քահանայի խոսքից հասկանում ենք, որ այդպիսի մտադրություն կա: Ավելին, ըստ Տեր Ռուբենի, Փաշինյանը ցանկանում է, որ հենց ինքը պատարագի՝ մի առիթով վարչապետը մասնակցել է իր մատուցած ծեսին: Քահանան դեմ չէ, սիրով կպատարագի, վարչապետին բարեպաշտ քրիստոնյա է համարում, բայց խնդրում է եկեղեցու գործերին չխառնվել. – «Մենք ձեզ որ հարգում ենք, դուք էլ մեզ հարգենք»:
Նրա հետ մի շարք մարդիկ են բանակցել, քահանան պատմում է՝ նույնիսկ Ազգային անվտանգության ծառայության աշխատակիցներն են Վեհափառի անունը պատարագից չեզոքացնելու հարցով իրեն դիմել. – «Ես ասել եմ՝ ես տվել եմ, կտամ ու էլի պիտի տամ: Երեկ էլ, իմիջիայլոց ասեմ, էստեղի ԱԱԾ-ի եկել էին Շիրակի, բա՝ «Տեր հայր ջան, խնդրում ենք … », ասի՝ «ես գիտեմ դուք հիմա ինչ եք եկել խնդրելու», ասի՝ դա բացառվում է, Վեհափառը ոնց որ Հայրապետը մեր՝ մենք իրա անունը 25 տարի ես պատարագներին տվել եմ ու էլի պիտի տամ»:
Ըստ Տեր Ռուբենի՝ Սուրբ Հակոբում պատարագի մասնակցելու Փաշինյանի մտադրության ու քահանայի նախընտրելի պահվածքի մասին Տնտեսագիտականի Գյումրիի մասնաճյուղի ղեկավար Կարեն Պետրոսյանն է ասել, վերջինս 2018-ին «Նոր Հայաստան, նոր Հայրապետ» շարժման նախաձեռնողներից էր:
«Ինքը եկավ ասեց՝ «Տեր հայր ջան, ուզում ենք, որ դու պատարագես», և այլն, հիմա ինքը պարզ ասեց, որ «Վեհափառի անունը պատարագին չտաս», – պատմել է Տեր Ռուբենը:
Կարեն Պետրոսյանը հերքեց, հայտարարեց՝ քահանաների հետ ամենօրյա ռեժիմով է կապի մեջ, այդպիս բան չի ասել. – «Իմ կողմից որևէ հորդոր նման հարցով չի եղել, և ցանկացած քահանա ինքն է որոշում պատարագի ժամանակ իր ընթացքը և էդ ամբողջ խորհրդակատարությունը: Իմ կողմից անուն զեղչելու որևէ հորդոր որևէ հոգևորականի չի եղել»:
Շարունակությունը՝ սկզբնաղբյուրում։
