Թբիլիսիում քննարկվել է Ադրբեջան-Հայաստան խաղաղության գործընթացը
Թբիլիսիում տեղի է ունեցել Վրաստանի և Հայաստանի խորհրդարանների արտաքին հարաբերությունների կոմիտեների ամենամյա համատեղ նիստը. հայտնել է Վրաստանի խորհրդարանի մամուլի ծառայությունը։
Հանդիպման ժամանակ քննարկվել են երկկողմ հարաբերությունները, ռազմավարական գործընկերության կարևորությունը և երկու երկրների միջև տնտեսական համագործակցության ամրապնդման հնարավորությունները։
Կողմերը մտքեր են փոխանակել տարածաշրջանային անվտանգության, առկա մարտահրավերների և տարածաշրջանում կայուն և խաղաղ միջավայրի ստեղծմանը նպաստող ապագա քայլերի վերաբերյալ։ ՀՀ խորհրդարանի անդամները քննարկել են Բաքվի և Երևանի միջև ընթացող խաղաղության գործընթացը։
Վրաստանի խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն հանդիպումից հետո նշել է, որ քննարկումները արդյունավետ են եղել։
Նա ընդգծել է միջազգային հարցերում Վրաստանի և Հայաստանի միասնական ճակատով գործելու կարևորությունը, քանի որ դա կնպաստի Հարավային Կովկասի կայուն զարգացմանը։
