Փաշինյանի ինքնաթիռը չի կարողացել վայրէջք կատարել Մոսկվայում
Հայաստանի վարչապետ Նիկոլ Փաշինյանի ինքնաթիռը չի կարողացել վայրէջք կատարել Մոսկվայում՝ փակ օդային տարածքի պատճառով, և ուղղությունը փոխել է դեպի այլընտրանքային օդանավակայան․ հայտնում է ռուսական BAZA տելեգրամյան ալիքը։
Ալիքի փոխանցմամբ՝ Փաշինյանի ACJ319 ինքնաթիռը գրեթե մեկ ժամ պտտվել է Տվերի մարզի վրայով՝ սպասելով վայրէջքի թույլտվության, սակայն այդպես էլ չի ստացվել։ Ինքնաթիռը, ի վերջո, ուղղություն է փոխել դեպի Պուլկովո միջազգային օդանավակայան, որտեղ վայրէջք է կատարել գիշերը։
Նշենք, որ Գերմանիա կատարած այցից հետո Փաշինյանը ուղևորվում էր Մոսկվա և պլանավորում էր մասնակցել Եվրասիական տնտեսական միության (ԵԱՏՄ) միջկառավարական խորհրդի նիստին։
