102, 101, 911 համարների փոխարեն կգործի մեկ հեռախոսահամար

Ըստ ՆԳ նախարարի տեղակալի՝ այսպես մարդկանց համար ավելի հեշտ կլինի։ Ըստ նրա՝ հիմա գործող հեռախոսահամարները շատ են ու քաղաքացին ինքն է ստիպված կողմնորոշվել ահազանգի պահին, իսկ մեկ ընդհանուր հեռախոսահամարի դեպքում զանգերի կենտրոնը կվերահասցեագրի զանգն՝ ըստ անհրաժեշտության։

Աշխատանքի և սոցիալական հարցերի նախարար Արսեն Թորոսյանը, սակայն, առաջարկում է 911 հեռախոսահամարը չհանել գործածությունից, որովհետև մի շարք երկրներում հենց այս համարն է գործում։ Նախարարը մտահոգված է Հայաստանի այցելուների համար, ովքեր հենց այդ հեռախոսահամարին են միայն ծանոթ։

ՆԳ փոխնախարար Արմեն Մկրտչյանն էլ հավելեց՝ նախորդ համարները շարունակելու են գործել, բայց 101, 102 և 911 հեռախոսահամարին զանգելուց հետո զանգն, այդուամենայնիվ, փոխանցվելու է 112՝ զանգերի կենտրոնին։