Չի բացառվում, որ Շահրամանյանին մեղադրանք առաջադրեն. Ռոման Երիցյան
Արցախի չորրորդ նախագահ Սամվել Շահրամանյանը նորից հարցաքննության է զինվորական քննչական մարմնում քննվող քրեական վարույթի շրջանակում։
Այս պահին նրան արդեն հարցաքննում են. հայտնում է փաստաբան Ռոման Երիցյանը։
Երիցյանը չբացառեց, որ Շահրամանյանին կարող են մեղադրանք առաջադրել։ Հարցին՝ հնարավո՞ր է խափանման միջոց ընտրեն կալանքը, Երիցյանն արձագանքեց․ «Երկրում ստեղծված իրավիճակում՝ ամեն ինչ սպասելի է»։
«Հարցաքննության օրը պատահական չի ընտրվել, քաղաքական կապվածություն կա»,- ասել է Երիցյանը։
Շահրամանյանը հարցաքննվում է 44-օրյա պատերազմի քրեական վարույթով։ Այս քրեական վարույթով նա բազմիցս հարցաքննվել է վկայի կարգավիճակով։
