Ադրբեջանցի դատախազը պահանջել է Ռուբեն Վարդանյանին դատապարտել ցմահ ազատազրկման
Բաքվի ռազմական դատարանում դեկտեմբերի 18-ին շարունակվել է քննվել Արցախի նախկին պետնախարար, գործարար Ռուբեն Վարդանյանի շինծու գործը։
Դատական նիստում ելույթ է ունեցել Ադրբեջանի պետական մեղադրանքը ներկայացնող դատախազը։
Նա պահանջել է Ռուբեն Վարդանյանին դատապարտել ցմահ ազատազրկման։
Հիշեցնենք՝ Ռուբեն Վարդանյանի նկատմամբ քրեական գործ է հարուցվել «խաղաղության և մարդկության դեմ ուղղված հանցագործությունների, ռազմական հանցագործությունների, նաև ահաբեկչության, ահաբեկչության ֆինանսավորման» և այլ հոդվածներով։
