Ռուսաստանը դեռևս չի տեսնում տարածքային հարցերը քննարկելու Կիևի պատրաստակամությունը․ Պուտինի մեծ ասուլիսը՝ կետերով
Ռուսաստանը դեռևս չի տեսնում տարածքային հարցերը քննարկելու Կիևի պատրաստակամությունը․ այսօր հրավիրած մեծ ասուլիսի ժամանակ ասել է ՌԴ նախագահ Վլադիմիր Պուտինը։
Ներկայացնում ենք Պուտինի ասուլիսի կարևոր հատվածները՝ կետերով․
- Ռուսաստանն Ուկրաինայից որոշակի ազդանշաններ է տեսնում երկխոսություն վարելու պատրաստակամության վերաբերյալ։
- Պուտինը հաստատել է Ռուսաստանի պատրաստակամությունն Ուկրաինայի հարցով բանակցություններ վարելու՝ հիմնվելով իր թեզերի վրա։
- Ռազմավարական նախաձեռնությունն ամբողջությամբ անցել է Ռուսաստանի զինված ուժերի ձեռքը, զորքերն առաջ են շարժվում բոլոր ուղղություններով, իսկ հակառակորդը նահանջում է։
- Պուտինը հաստատել է՝ Կուպյանսկը գտնվում է Ռուսաստանի զինված ուժերի վերահսկողության ներքո։ «Կուպյանսկի շրջակայքում շրջափակման մեջ է Ուկրաինայի 3500 զինվոր, նրանք գործնականում ոչ մի շանս չունեն»,-հայտնել է Պուտինը։ Օրեր առաջ Զելենսկին այցելել էր Կուպյանսկ՝ ցուցադրելով, որ այն գտնվում է Ուկրաինայի ԶՈՒ հսկողության տակ։
- Պուտինը Զելենսկուն անվանել է տաղանդավոր արտիստ՝ «առանց որևէ հեգնանքի»։
- «Դա գողություն է»․ այսպես է Պուտինը մեկնաբանել ռուսական ակտիվները բռնագրավելու ԵՄ փորձերը։
- Թրամփը լուրջ ջանքեր է գործադրում Ուկրաինայում հակամարտությունը դադարեցնելու համար։
- Մենք Թրամփին ասել ենք, որ համաձայն ենք փոխզիջումների, գնդակը հիմա մեր արևմտյան հակառակորդների, Կիևի ռեժիմի ղեկավարի և նրա եվրոպացի հովանավորների դաշտում է։
Մի քանի ժամվա ընթացքում Պուտինը կպատասխանի շարքային քաղաքացիների և լրագրողների հարցերին։ Ստացվել է ավելի քան 2,5 միլիոն հայտ։
