Պուտինը երկկողմ հանդիպում կունենա Փաշինյանի հետ․ Պեսկով

Ռուսաստանի նախագահ Վլադիմիր Պուտինը Սանկտ Պետերբուրգում երկկողմ հանդիպում կունենա Նիկոլ Փաշինյանի հետ․ այս մասին, ինչպես գրում է ria.ru-ն, հայտնել է Ռուսաստանի առաջնորդի մամուլի քարտուղար Դմիտրի Պեսկովը։

Ավելի վաղ Դմիտրի Պեսկովը հայտարարել էր, որ Վլադիմիր Պուտինը հանդիպում կունենա Իլհամ Ալիևի և Նիկոլ Փաշինյանի հետ։ Սակայն ավելի ուշ Ադրբեջանի նախագահի աշխատակազմը հայտարարել է, որ Իլհամ Ալիևը չի մասնակցել դեկտեմբերի 21-ին կայացած Եվրասիական տնտեսական բարձրագույն խորհրդի նիստին, քանի որ Ադրբեջանը ԵԱՏՄ անդամ չէ։

Ալիևի մասնակցությունն ԱՊՀ ոչ պաշտոնական գագաթնաժողովին նույնպես չի կայացել` նախագահի խիտ աշխատանքային գրաֆիկի պատճառով։ Ինչին ի պատասխան՝ Պեսկովը հայտարարել է, թե Կրեմլն ըմբռնումով է մոտենում Ադրբեջանի նախագահ Իլհամ Ալիևի՝ Սանկտ Պետերբուրգ այցի չեղարկմանը։