Ադրբեջանի դատարանը Ստեփանակերտի բնակիչ Կարեն Ավանեսյանին դատապարտեց 16 տարվա ազատազրկման

Ադրբեջանի դատարանը Ստեփանակերտի բնակիչ Կարեն Ավանեսյանին դատապարտեց 16 տարվա ազատազրկման․ գրում են ադրբեջանական լրատվամիջոցները։

Օրեր առաջ պետական ​​մեղադրողը միջնորդել էր Ստեփանակերտում «ահաբեկչության և այլ ծանր հանցագործությունների» համար մեղադրվող Կարեն Ալբերտի Ավանեսյանին դատապարտել 18 տարվա ազատազրկման։

Ստեփանակերտում անօթևան կատուներին պայուսակներով կեր տանող Ավանեսյանին Ադրբեջանը որպես ահաբեկիչ է ներկայացնում։ Իբր 1967 թվականին ծնված Կարեն Ալբերտի Ավանեսյանը սեպտեմբերի 14-ին «ինքնաձիգով փորձել է մոտենալ Ստեփանակերտում անցկացվող միջոցառման վայր», հետո, իբր, նա «կրակ է բացել մոտեցող ոստիկանների ուղղությամբ, ապա նրանց վրա նետել ձեռքի 3 նռնակ»։ Պատասխան կրակի հետևանքով նա վիրավորվել և ձերբակալվել էր։