Ադրբեջանը հետաքննություն է սկսել «Սարի աղջիկ» երգի հայերեն կատարման համար
Ադրբեջանում հետաքննություն է սկսվել Իրանի պետական հեռուստատեսությամբ տեղի ունեցած միջադեպից հետո, որտեղ «Սարի աղջիկ» ժողովրդական երգը ներկայացվել է որպես հայկական ստեղծագործություն։
Ադրբեջանի մտավոր սեփականության գործակալության տվյալներով՝ հետաքննությունը սկսվել է երգիչ Արազ Թորոսյանի (հայտնի է նաև որպես Արազ Դարե) կողմից երգի հայերեն և պարսկերեն կատարումից հետո։
Գործակալությունը ընդգծել է, որ միջադեպի վերաբերյալ ներկայումս հետաքննություն է ընթանում, և միջադեպի բոլոր հանգամանքները ուսումնասիրվում են սահմանված ընթացակարգերի համաձայն։
Հիշեցնենք, որ «Սարի աղջիկը» հայկական ժողովրդական երգ է, որը Բաքուն ներկայացնում է որպես ադրբեջանական:
