Մենք էլ նոր իմացանք, շատ ուրախ ենք․ Բաքվից Երևան տեղափոխված Վագիֆ Խաչատրյանի ընտանիքի անդամներ
Մենք էլ նոր իմացանք, շատ ուրախ ենք․ ABC Media-ի հետ զրույցում իրենց հույզերը չեն կարողացել զսպել Բաքվից ՀՀ տեղափոխված Վագիֆ Խաչատրյանի ընտանիքի անդամները:
Դուստրը՝ Վերա Խաչատրյանը, չկարողացավ զրուցել, ազգականը հուզված ձայնով փոխանցեց, որ Վերան այս պահին ի վիճակի չէ խոսել։ Զրույցի ժամանակ լսվում էր՝ ինչպես են հարազատները Վերա Խաչատրյանին ուշքի բերում: Լսվում էր նաև, թե ինչպես է նա արտասվում։
Ավելի վաղ Նիկոլ Փաշինյանը հայտնել էր, որ Գևորգ Սուջյանը, Դավիթ Դավթյանը, Վիգեն Էուլջեքչյանը և Վագիֆ Խաչատրյանը քիչ առաջ Հակարի կամրջով Ադրբեջանի Հանրապետության համապատասխան մարմինների ներկայացուցիչների կողմից հանձնվեցին Հայաստանի Հանրապետության համապատասխան մարմինների ներկայացուցիչներին և հիմա գտնվում են ՀՀ տարածքում։
