Պուտինի և ԱՄՆ բանագնացի հանդիպումը տևել է 3.5 ժամ. ի՞նչ է հայտնի
Վլադիմիր Պուտինի և Սթիվ Ուիթքոֆի հանդիպումը տեղի է ունեցել Մոսկվայում, այն տևել է 3.5 ժամ։
ՌԴ նախագահի օգնական Ուշակովի խոսքով՝ կողմերը համաձայնել են այսօր Աբու Դաբիում եռակողմ բանակցություններ անցկացնել Ռուսաստանի, ԱՄՆ-ի և Ուկրաինայի միջև։
Ուշակովի հայտարարությունների հիմնական կետերը.
- Մոսկվան և Վաշինգտոնը հայտարարել են, որ հակամարտության կարգավորումն անհնար է առանց տարածքային հարցի լուծման։
- Աբու Դաբիում գտնվող ռուսական պատվիրակությունը կգլխավորի ՌԴ զինված ուժերի ԳՇ Հետախուզական հատուկ ծառայության պետ Իգոր Կոստյուկովը, որն անմիջական հրահանգներ է ստացել նախագահից։
- Ուկրաինայի հարցով եռակողմ աշխատանքային խմբից բացի, ԱՄԷ-ում նախատեսված է ամերիկյան կողմի հետ երկկողմ հանդիպում տնտեսական հարցերով։
- Հանդիպմանը քննարկվել է Խաղաղության խորհրդի նախաձեռնությունը Գազայի հատվածի վերաբերյալ. Մոսկվան հաստատել է իր պատրաստակամությունը` իր սառեցված ակտիվներից կազմակերպությանը հատկացնել 1 միլիարդ դոլար։
- Վլադիմիր Պուտինն ընդգծել է, որ Ռուսաստանն անկեղծորեն հետաքրքրված է ուկրաինական ճգնաժամը քաղաքական և դիվանագիտական միջոցներով լուծելու հարցում։ Սակայն մինչ այդ կշարունակի հետևողականորեն ձգտել մարտադաշտում հատուկ ռազմական գործողության համար սահմանված նպատակների իրագործմանը։
- Ռուսաստանը կշարունակի լուծել խնդիրը մարտադաշտում մինչև կարգավորման հասնելը։
- Կրեմլում կայացած հանդիպումը բոլոր առումներով օգտակար էր և՛ Ռուսաստանի, և՛ Միացյալ Նահանգների համար։
