Եթե մենք ունենանք բաց սահմաններ, ու տեղի ունենա ապրանքների ազատ տեղաշարժ, դա դրական ազդեցություն կունենա մեզ վրա․ ԿԲ նախագահ
Եթե մենք ունենանք բաց սահմաններ, ու տեղի ունենա ապրանքների ու ծառայությունների ազատ տեղաշարժ՝ ներմուծումների ու արտահանումների տեսքով, դա դրական ազդեցություն կունենա մեզ վրա․ այսօր լրագրողների հետ հանդիպմանն ասաց ՀՀ կենտրոնական բանկի նախագահ Մարտին Գալստյանը։
Ինչ վերաբերում է հարցին, թե հարևան երկրներից ապրանքների ներմուծումը, ապաշրջափակումն ինչպես կարող են ազդել գների վրա, նա պատասխանեց, որ դեռ նման վերլուծություն չունեն, քանի որ նման ապրանքների քանակը բավականին սեղմ ու սահմանափակ է։
«Ես կարծում եմ, որ, օրինակ, Ադրբեջանից ներմուծված բենզինի ազդեցությունը Հայաստանում գների վրա տեսանելի կլինի հունվար ամսվա գնաճի մեջ։ Այնուամենայնիվ, մենք որոշակի ազդեցություններ կտեսնենք բենզինի ներմուծման արդյունքում, սակայն չեմ կարծում, որ այդ ազդեցություններն էական կլինեն»,- նշեց ԿԲ նախագահը։
