Սուտ է, գնդերեցներին գումար չի առաջարկվել․ Սուրեն Պապիկյանի ճեպազրույցը՝ կետերով
ՀՀ պաշտպանության նախարար Սուրեն Պապիկյանը ԱԺ-ում պատասխանել է լրագրողների հարցերին։ Ճեպազրույցի առանցքային կետերը ներկայացնում ենք ստորև․
- Շահարկումները, թե հոգևոր հոգևոր ծառայությունը բանակում դադարեցվում է, ճիշտ չեն․ բանակում կարող է շարունակվել հոգևոր ծառայությունը, պարզապես նրանք պիտի ենթարկվեն զինված ուժերի բարոյահոգեբանական գծով վարչությանը։
- Զինված ուժերում չի կարող լինել երկակի ենթակայություն։
- Այո՛, մենք կարող ենք պայմանագիր կնքել Հայաստանում Հայ առաքելական եկեղեցու հոգևոր կրթություն ունեցող սպասավորների հետ, որպեսզի նրանք ծառայեն և կատարեն իրենց առաքելությունը։
- Սուտ է, գնդերեցներին Փաշինյանի օրակարգին միանալու դիմաց գումար չի առաջարկվել, նման բան չկա։
