ԱՄՆ-ն ծրագիր է մշակում Իրանի գերագույն հոգևոր առաջնորդի տապալման դեպքում. The National

Թեհրանի հետ պաշտոնական բանակցություններին զուգահեռ՝ ԱՄՆ-ն մշակում է անցումային շրջանի ծրագիր Իրանի գերագույն հոգևոր առաջնորդ Ալի Խամենեիի տապալման պարագայում. գրում է The National-ը՝ հղում անելով Սպիտակ տանը մոտ աղբյուրի։

Թրամփը քննարկում է Իրանի համար մի քանի տարբերակ, որոնցից յուրաքանչյուրը քաղաքական ռիսկեր և աշխարհաքաղաքական անորոշություն է պարունակում:

Թեհրանի կողմից միջուկային ծրագրի և այլ կարևոր հարցերի, այդ թվում՝ բալիստիկ հրթիռների հեռահարության և ժողովրդի նկատմամբ վերաբերմունքի վերաբերյալ զիջումները կարող են Թրամփին հնարավորություն տալ խուսափելու ռազմական հակամարտությունից։

Մինչ ԱՄՆ-ի և Իրանի պաշտոնյաներն այսօր հանդիպում են Օմանում, այս շաբաթավերջին Ֆլորիդայում, որտեղ գտնվում է ԱՄՆ նախագահ Դոնալդ Թրամփը, կարող է տեղի ունենալ ԱՄՆ վարչակազմի պաշտոնյաների և իրանական սփյուռքի ազդեցիկ գործիչների հանդիպում: Ինչպես նշվում է, այս միջոցառման կազմակերպչական հարցերը բարդ են։ Հաղորդագրության մեջ նշվում է, որ Թրամփի փեսան՝ Ջարեդ Քուշները, սերտորեն ներգրավված է այս աշխատանքներում։