Արցախի նախկին ռազմաքաղաքական ղեկավարների դատավարությունը մարդու հիմնարար իրավունքների լիակատար խախտում է.Օկամպո
Միջազգային քրեական դատարանի նախկին գլխավոր դատախազ Լուիս Մորենո Օկամպոն X սոցիալական ցանցում անդրադարձել է Բաքվի կողմից գերեվարված Արցախի նախկին ռազմաքաղաքական ղեկավարների դատավճռին:
«Լեռնային Ղարաբաղի առաջնորդները դատապարտվել են Ադրբեջանի կողմից կեղծ դատավարությամբ։ Նրանք քաղաքացիական անձինք են, որոնց դատել են ռազմական դատարանում, ինչը մարդու հիմնարար իրավունքների լիակատար խախտում է։ Եթե նրանք համարվում են մարտիկներ, մեղադրանքները սխալ են, նրանց չեն կարող մեղադրել սովորական հանցագործությունների համար, ինչպիսին է ահաբեկչությունը։
Լեռնային Ղարաբաղի առաջնորդների դեմ կեղծ դատավարությունից հետո, որոնք էթնիկ զտումների և ցեղասպանության զոհ են, ԵՄ հանձնաժողովը չի կարող շարունակել անտեսել Ադրբեջանի կողմից մարդու իրավունքների խախտումները՝ գերարժեքված նավթ ստանալու համար»,- գրել է նա։
