Կաթողիկոսը պաշարման մեջ․ ինչու՞ էր Գարեգին Բ-ն փորձում դուրս գալ երկրից և ինչի՞ց էր վախենում Փաշինյանը․ Независимая Газета
Այն լուրերը, որ Հայ առաքելական եկեղեցու ղեկավարությունը վերջերս ակտիվորեն քննարկում էր արտագաղթը և «աքսորում» գտնվող եկեղեցական կառույցների վերականգնումը, անհիմն չէին։ Ըստ երևույթին՝ Փաշինյանի կառավարությունը որոշել է կանխել հենց այս սպառնալիքն՝ արտերկրում այլընտրանքային եկեղեցական կենտրոնի ի հայտ գալը․ գրել է Независимая Газета-ն։
Ինչպես նշվել է, կաթողիկոսը բազմաթիվ փաստարկներ ուներ տեղափոխվելու օգտին։ Նրա հնարավորությունների պատուհանը Հայաստանում արդեն օրեցօր նեղանում է, և նա բախվում է լայն շրջանակի սպառնալիքների՝ կառավարության կողմից վերահսկվող եկեղեցական դատարանի կողմից պաշտոնանկ անելու հեռանկարից մինչև դավաճանության քրեական մեղադրանքներ։ Միևնույն ժամանակ՝ հայտնի է, որ ՀԱԵ ղեկավարն արտերկրում ունի կապերի և կողմնակիցների լայն ցանց։ Արդյունքում կաթողիկոսը, հավանաբար, իր գործողություններով պատրվակ տվեց Փաշինյանին. ամբողջ փետրվարի ընթացքում նա, կարծես, ցուցադրաբար նախապատրաստական աշխատանքներ էր իրականացնում և վերանայում իր ակտիվները։
Փաշինյանի հարձակումը կաթողիկոսի վրա, ըստ երևույթին, պայմանավորված էր ԱՄՆ փոխնախագահ Ջ.Դ. Վենսի՝ փետրվարի 10-ին Երևան կատարած այցով։ Գարեգին Բ-ի կողմնակիցները նկատելիորեն փչացրին տոնական մթնոլորտը Հայաստանի իշխանությունների համար։ Չնայած Վաշինգտոնի և Երևանի միջև ռազմավարական գործընկերության ընդլայնման մասին ելույթներին՝ այցն ուղեկցվել է արցախահայերի բողոքի ցույցով և վանկարկումներով. «Ազա՛տ արձակեք հայ քրիստոնյա պատանդներին»։ Ավելին, «Սրբազան պայքար» հայկական ընդդիմադիր շարժման առաջնորդ Բագրատ արքեպիսկոպոս Գալստանյանը, ով ներկայումս բանտում է, կարողացավ Քրիստոնեական համերաշխության միջազգային (CSI) միջնորդների միջոցով Վենսին փոխանցել մի նամակ, որում ամերիկացի հյուրին խնդրում էր նպաստել հայ հոգևորականների հետապնդումների դադարեցմանը, Բաքվի և Երևանի բանտերից հայ քաղբանտարկյալների ազատ արձակմանը և հայ բնակչության անվտանգ վերադարձին Արցախ։ Վենսի վարչակազմը հաստատեց նամակի ստացումը, բայց առանց մեկնաբանության:
Ակնհայտ էր, որ կաթողիկոսը և ընդդիմադիր հոգևորականները չէին հանգստացել ամերիկյան աջակցությամբ: Հայաստանում կրոնական ազատության վերաբերյալ հարցերը սկսեցին հետապնդել Նիկոլ Փաշինյանին յուրաքանչյուր միջազգային ֆորումում, որտեղ էլ որ նա հայտնվեր:
Այժմ Փաշինյանն, իրեն հավատարիմ հոգևորականների օգնությամբ, կարող է Էջմիածնում ընտրություններ անցկացնել իշխանությունների կողմից վերահսկվող այլընտրանքային կաթողիկոսի համար: Թուրքական լրատվամիջոցները հավանական թեկնածու են նշում Սահակ Մաշալյանին՝ Կոստանդնուպոլսի հայոց պատրիարքին:
