TRIPP-ը տնտեսական առումով ՀՀ-ին շատ մեծ հնարավորություններ չի տալու, բայց քաղաքական նշանակությունը շատ կարևոր է․ Դավիթ Անանյան

TRIPP-ը տնտեսական առումով Հայաստանին շատ մեծ հնարավորություններ չի տալու։ Բայց դիվանագիտական ու քաղաքական նշանակությունը շատ կարևոր է․այսօր հրավիրած ասուլիսում ասաց «Միասնության թևեր» քաղաքական նախաձեռնության համահիմնադիր Դավիթ Անանյանը։

«Այստեղ է, որ TRIPP-ը կարող է դառնալ այնպիսի մի հանգույց, որի շուրջ կարող ես Իրանի, Չինաստանի, Հնդկաստանի, ԱՄՆ-ի ու Ռուսաստանի շահերը համախմբել ու համատեղել։ Այսինքն՝ քաղաքական առումով սա շատ կարևոր է, տնտեսական առումով՝ այդքան էլ չէ»,- նշեց նա՝ հավելելով, որ այստեղ պետք է ճիշտ բանակցել։

«Որպեսզի դու բանակցություններ վարես ու ունենաս որոշակի հաջողություններ, դու պետք է պարզապես փոխես բանակցողին»,- ասաց «Միասնության թևեր»-ի համահիմնադիրը։