Նոր փոփոխություն` ՌԴ միգրանտների համար. նրանց երեխաները ստիպված կլինեն լքել երկիրը

Ռուսաստանի Պետդուման կքննարկի մի օրինագիծ, որը պարտավորեցնում է միգրանտ աշխատողների երեխաներին լքել Ռուսաստանը 18 տարեկանը լրանալուց հետո՝ 30 օրվա ընթացքում․ հայտնում է TACC-ը՝ հղում անելով համապատասխան փաստաթղթին։

Օրինագիծը փոփոխություններ է մտցնում «Օտարերկրյա քաղաքացիների իրավական կարգավիճակի մասին» օրենքում։ Ըստ օրինագծի՝ միգրանտ երեխաների երկրում մնալու տևողությունը կսահմանափակվի նրանց ծնողի աշխատանքային թույլտվության վավերականությամբ։
Ավելին, Ռուսաստանում մնալը թույլատրվելու է միայն այն դեպքում, եթե ծնողը նախապես վճարի անձնական եկամտահարկը՝ իր և յուրաքանչյուր երեխայի համար։

«Արդար Ռուսաստան» խմբակցության ղեկավար Սերգեյ Միրոնովը «Газета.Ru»-ին տված հարցազրույցում ասել է․
«Բոլոր պետական սոցիալական նպաստներն ու սուբսիդիաները, այդ թվում՝ մայրական կապիտալը, պետք է վճարվեն միգրանտներին միայն Ռուսաստանի քաղաքացիություն ստանալուց 20 տարի անց»,- ասել է «Արդար Ռուսաստան» խմբակցության ղեկավար Սերգեյ Միրոնովը «Газетой.Ru»-ին տված հարցազրույցում։

Պատգամավորի խոսքով՝ դա թույլ կտա ռեսուրսներն ու ջանքերը կենտրոնացնել Ռուսաստանի քաղաքացիներին սոցիալական աջակցություն ցուցաբերելու վրա, այլ ոչ թե նրանց, ովքեր շտապում են երկիր պետական աջակցությունների համար։