Հյուսիսում պատերազմ է, հարավում պատերազմ է, իսկ մենք, այդ ֆոնին, Ադրբեջանի հետ խաղաղություն ենք բերել․ Ալեն Սիմոնյանի ճեպազրույցը՝ կետերով
ԱԺ նախագահ Ալեն Սիմոնյանը Ազգային ժողովի միջանցքում պատասխանել է լրագրողների հարցերին՝ անդրադառնալով ՀՀ երկրորդ և երրորդ նախագահների հայտարարություններին, ներքին ու արտաքին հարցերի։ Ճեպազրույցը կետերով ներկայացնում ենք ստորև․
- Սերժ Սարգսյանը TRIPP-ի համար տագնապնե՞ր ունի, թող «վալերյանկա» խմի։
- Ռոբերտ Քոչարյանը թող կարողանա «Հայաստան» խմբակցությունը կառավարել, ակնհայտ է, որ չի կարողանում կառավարել։ Դաշնակցությունը վերցրել է իշխանությունը, մնացածը «սատելիտ» են։
- Քոչարյանը թող մտածի՝ հաջորդ ընտրությանը հատելո՞ւ է անցողիկ շեմը՝ Դաշնակցության հետ, թե՞ իր ամբողջ ընդդիմադիր ռեսուրսն այլ կուսակցություններեն վերցնելու։
- Ես վստահ եմ, որ 2-3 ընդդիմադիր ուժ կարող են հատել անցողիկ շեմը, որոնցից երկուսը կա՛մ չեն հատելու, կա՛մ շատ դժվարությամբ են հատելու։
- Նոր ստեղծված «Մեր ձևովը» և Ծառուկյանի ուժը երկուսով են մրցում առաջին ընդդիմադիր ուժ լինելու համար։
- Այն բոլոր մարդիկ, ովքեր ակնկալում են «Գյումրի 2» սցենարը, «ռաստվելու են» «Վաղարշապատ 2» սցենարին։
- Ցավում եմ զոհերի համար, հույս ունեմ՝ Իրանի պատերազմըը հնարավորինս կարճ կլինի։ Այն մեր հարևանների տարածքում է, չի կարող մեզ չանհանգստացնել։
- Հյուսիսում պատերազմ է, հարավում պատերազմ է, իսկ մենք, այդ ֆոնին, Ադրբեջանի հետ խաղաղություն ենք բերել։
- Երկու տարին արդեն լրացել է, որ որևէ մարդ չի զոհվում․ սա վերևի՞ցընկավ, կամ սրա պահպանումը վերևի՞ց ընկավ։ Թրամփն է այդ միջնորդը։
- TRIPP-ը ռազմական բաղադրիչ և բովանդակություն չունի։ Ինչպես Իրանի ԱԳՆ-ն է հայտարարել՝ իրենք իրենց հարևաններին չեն հարվածում, հարվածում են այլ երկրների ռազմական կառույցներին, Հայաստանում չկան ռազմական կառույցներ։ Ավելին՝ Սյունիքում կա Իրանի հյուպատոսություն։
- Իշխանությունը Կաթողիկոսի հեռացման հարցում «զադնի չի դրել»։ Պրոցեսը, որը սկսել ենք անդառնալի է։ Այլ հարց է, թե ինչ փուլում, ինչ ժամանակացույցում,ինչ գործողություններ կարվեն։
