Իրանի կողմից Մոջթաբա Խամենեիի ընտրությունը կարծես փակում է պատերազմի արագ ավարտի ճանապարհը․ Reuters
Իրանը Մոջթաբա Խամենեիին նշանակեց նոր գերագույն հոգևոր առաջնորդ՝ ազդարարելով, որ կոշտ գծի կողմնակիցները շարունակում են մնալ իշխանության՝ կարծես փակելով Մերձավոր Արևելքում պատերազմի արագ ավարտի ցանկացած ճանապարհ․ գրում է Reuters-ը։
Այն հեռանկարը, որ համաշխարհային էներգամատակարարման խափանումները, որոնք արդեն պատմության մեջ ամենալուրջերից են, կարող են տևել ավելի երկար, քան նախկինում կանխատեսվում էր։
Նավթի գները ռեկորդային աճ են գրանցել, իսկ համաշխարհային ֆոնդային շուկաները՝ կտրուկ անկում։ 56-ամյա Խամենեին, որը շիա հոգևորական է, չի ընդունվել ԱՄՆ նախագահ Դոնալդ Թրամփի կողմից, որը պահանջել է Իրանի անվերապահ կապիտուլյացիան։
Իրանական պետական լրատվամիջոցները ցուցադրել են մի քանի քաղաքների փողոցներում մեծ բազմություն, որն աջակցություն է ցուցաբերում նոր առաջնորդին՝ ճոճելով իրանական դրոշներ և նրա հոր՝ Ալի Խամենեիի դիմանկարները։ Քաղաքական գործիչներն ու հաստատությունները հավատարմության երդում են տվել նոր առաջնորդին։
«Մենք կհնազանդվենք գլխավոր հրամանատարին մինչև մեր արյան վերջին կաթիլը»,- նշվել է պաշտպանության խորհրդի հայտարարության մեջ։
Գործակալության հետ զրուցած իրանցիները բաժանված են 2 մասի․ իշխանությունների կողմնակիցները ոգևորված են այս ընտրությամբ՝ որպես պատերազմական ժամանակաշրջանի անհնազանդության հռչակագիր, իսկ հակառակորդները վախենում են, որ դա կխաթարի փոփոխության նրանց հույսերը։
«Ես շատ ուրախ եմ, որ նա մեր նոր առաջնորդն է։ Դա ապտակ էր մեր թշնամիներին, որոնք կարծում էին, թե համակարգը կփլուզվի նրա հոր սպանությամբ։ Մեր հանգուցյալ առաջնորդի ուղին կշարունակվի», – նշել է նրանցից մեկը։
Շատ իրանցիներ էլ տոնել են ավագ Խամենեիի մահը։ Սակայն ակտիվիստները վախենում են փողոց դուրս գալ, երբ Իրանը հարձակման տակ է։
«Պահապանների կորպուսը և համակարգը դեռևս հզոր են։ Նրանք ունեն տասնյակ հազարավոր ուժեր, որոնք պատրաստ են պայքարել այս ռեժիմը պահպանելու համար։ Մենք՝ ժողովուրդը, ոչինչ չունենք»,- նշել է զրուցակիցներից մեկը։
Իսրայելը պնդում է, որ իր պատերազմի նպատակն է տապալել Իրանի հոգևոր կառավարման համակարգը։
Սկզբում Վաշինգտոնն ավելի զգույշ էր՝ ասելով, որ իր նպատակն է ոչնչացնել Իրանի հրթիռային կարողությունները և միջուկային ծրագիրը, բայց Թրամփը հետագայում ուժեղացրեց իր պահանջները՝ ընդգծելով, որ պատերազմը կարող է ավարտվել միայն հնազանդ Իրանի կառավարության կողմից։
Իսրայելը հայտարարել էր, որ կսպանի ավագ Խամենեիին հաջորդող ցանկացած անձի, եթե Իրանը չդադարեցնի իր թշնամական քաղաքականությունը։ Կիրակի Թրամփը կրկին պահանջել է, որ Վաշինգտոնը մասնակցի գերագույն առաջնորդի ընտրությանը։
Պատերազմը փաստացի փակել է Հորմուզի նեղուցը, որտեղով անցնում է համաշխարհային նավթի և հեղուկացված գազի մեկ հինգերորդը: Քանի որ տանկերները չեն կարողանում նավարկել ավելի քան մեկ շաբաթ, արտադրողները սպառել են պահեստային պաշարները:
