ՔՊ-ն և Առողջապահության նախարարությունը չեն մասնակցում Առողջության պարտադիր ապահովագրության խնդիրների մասին ԱԺ լսումներին
Առողջության պարտադիր ապահովագրությանը վերաբերող խնդիրների ԱԺ քննարկմանը Առողջապահության նախարարությունից որևէ ներկայացուցիչ չկա։
ՄԻՊ-ն է միայն արձագանքել, 2 ներկայացուցիչ այստեղ են:
«Տիկին նախարարը նշել է, որ իրենք ուղիղ կապի մեջ են ասցիացիաների և ՀԿ նախագահների հետ,և միայն եռամսյակն ամփոփելուց հետո պատրաստ կլինեն նման քննարկումների մասնակցել»,-նշեց «Հայաստան» խմբակցության պատգամավոր Արմենուհի Կյուրեղյանը։
Քննարկմանը չեն մասնակցում նաև «Քաղաքացիական պայմանագիր» խմբակցության պատգամավորները։
«ՔՊ-ն չի ներկայացել այս քննարկմանը, որպեսզի չառերեսվի իրականության եւ խնդիրների հետ»,- ասաց առողջապահության ոլորտի կազմակերպիչ Գեւորգ Գրիգորյանը:
