ԱՄԷ-ն խստացնում է մուտքի կանոնները Իրանի քաղաքացիների համար
Իրանի քաղաքացիներին արգելվել է մուտք գործել կամ տարանցիկ տեղաշարժվել Արաբական Միացյալ Էմիրություններում (ԱՄԷ)․ այս մասին հայտնել է ԱՄԷ-ի խոշորագույն ավիաընկերություն Emirates-ը։
«Իրանի քաղաքացիներին արգելվում է մուտք գործել ԱՄԷ կամ տարանցիկ տեղաշարժվել դրա օդանավակայաններով»,- ասված է ավիաընկերության կայքում տեղադրված հայտարարության մեջ։
Ավիաընկերությունը նշում է, որ արգելքը չի վերաբերում ԱՄԷ-ի այսպես կոչված «ոսկե վիզայի»՝ խոշոր ներդրողներին և ձեռնարկատերերին տրամադրվող 5-10 տարվա բնակության թույլտվություն ունեցող անձանց։
Ավիաընկերությունը չի բացահայտում այս որոշման պատճառը։
ԱՄԷ-ի իշխանությունները դեռևս պաշտոնապես չեն մեկնաբանել տեղեկատվությունը։
