ՔՊ-ն առաջին ընթերցմամբ ընդունեց ՀՀ-ում դաշինքների անվանումների սահմանափակման մասին նախագիծը
«Քաղաքացիական պայմանագիր» խմբակցությունն առաջին ընթերցմամբ ընդունեց ՀՀ-ում դաշինքների անվանումների սահմանափակման մասին նախագիծը. կողմ քվեարկեց 66 պատգամավոր, դեմ՝ 16-ը։
Հունիսի 7-ին կայանալիք խորհրդարանական ընտրություններից 2 ամիս առաջ իշխող ուժը որոշել է «տեխնիկական վրիպակն ուղղել օրենսգրքում», ըստ որի` կուսակցությունների, դաշինքների անվանումները չպետք է անձնավորվեն։
Մինչ քվեարկությունը, Ազգային ժողովի շենքի դիմաց հրատապ ասուլիս ու բողոքի ակցիա է հրավիրվել․ «Ուժեղ Հայաստան» կուսակցության ներկայացուցիչների խոսքով՝ ԱԺ արտահերթ նիստում քննարկվող «Ընտրական օրենսգրքում» փոփոխություն անելն ընտրությունից 2 ամիս առաջ ապօրինի է։
