Ադրբեջանցիների կողմից Արցախից գերեվարված Ռաշիդ Բեգլարյանը հարցաքննվել է։ Այս մասին հայտնել է Ադրբեջանի գերիների, անհայտ կորածների, պատանդների պետական հանձնաժողովի աշխատանքային խմբի աշխատակից Զաուր Իսմայիլովը:
Ադրբեջանական կողմը պնդում է, թե Ռաշիդ Բեգլարյանի վերաբերյալ քրեական գործի շրջանակներում հարցաքննության, ինչպես նաև նրա կողմից տեղանքը ցուցադրելու արդյունքում Ասկերանի տարածքում հայտնաբերվել են մի քանի անձանց թաղված ոսկորներ։
Ադրբեջանական կողմը հարցաքննության վերաբերյալ այլ մանրամասներ չի հաղորդում, իսկ ամիսներ առաջ հրապարակել էր Բեգլարյանի մասնակցությամբ տեսանյութ, որտեղ վերջինս մի խումբ ուժայինների մի անհայտ հողակտորի վրա ինչ-որ բան էր խոսում։
