Խոշոր հրդեհ Երևանում, այրվում է պահածոների գործարանը

Այսօր ժամը 09:40-ին հրդեհ է բռնկվել Երևանի Թբիլիսյան խճուղում գտնվող պահեստային տարածքում:

Ըստ նախնական տվյալների՝ հրդեհ է բռնկվել 25000 քմ մակերեսով պահեստի 6000 քմ հատվածում։ Իրականացվում են հրդեհաշիջման աշխատանքներ:

Ճգնաժամային կառավարման ազգային կենտրոն ահազանգ ստանալուց հետո, դեպքի վայր են մեկնել ՆԳՆ ՓԾ Երևանի և մարզային փրկարարական վարչությունների հրշեջ-փրկարարական ջոկատներից 12 մարտական հաշվարկ, 2 ավտոսանդուղք, հրդեհաշիջման և փրկարարական աշխատանքների տարբեր խմբեր: