Առողջապահական տեսչական մարմնի (ԱԱՏՄ) բժշկական օգնության և սպասարկման վերահսկողության վարչության պետ Քրիստինա Աբրահամյանը 2 ամսով կալանավորվել է։ Այս մասին ABC Media–ին հայտնում է Հակակոռուպցիոն կոմիտեի մամուլի պատասխանատու Մարինա Օհանջանյանը։
«Քրիստինա Աբրահամյանը երեկ ձերբակալվել է, նույն օրն էլ մեղադրանք է ներկայացվել։ Նրա նկատմամբ կալանքը որպես խափանման միջոց կիրառելու միջնորդություն է ներկայացվել դատարան, որը նույն օրը բավարարվել է։ Նա արդեն կալանավորվել է 2 ամսով։ Մեղադրանք է առաջադրվել կաշառք ստանալու համար»,-մեզ հետ զրույցում ասաց Օհանջանյանը։
ԱԱՏՄ–ից Աբրահամյանի կալանավորումը մեկնաբանել չցանկացան։
Աբրահամյանը մեղադրվում է կաշառք ստանալու համար։ Ըստ մամուլում տարածվող տեղեկությունների՝ կաշառք տվողը «Վիոլետա» ԲԿ–ի տնօրենն է՝ Վիոլետա Սարգսյանը, ով խոստովանական ցուցմունք է տվել։
