Կասկադ համալիրի վերին հատվածն ու «Կանազ» մշակույթի կենտրոնը վերադարձվել են քաղաքապետարանին. ո՞ւմ էին պատկանում դրանք

Երևանի ավագանու գործակարգավարական նիստի ժամանակ քաղաքապետ Տիգրան Ավինյանը երկու ուշագրավ որոշման մասին է տեղեկացրել: Քաղաքապետարանին են վերադարձվել Երևանի Կասկադ համալիրի վերին հատվածը, որը դեռ խորհրդային տարիներից մնացել էր անավարտ և «Կասկադ» մշակութային կենտրոնը:

 

Քաղաքապետարանի խոսնակ Հայկ Կոստանյանը ABC media-ի հարցմանն ի պատասխան նշեց, որ տարածքը նախկինում գտնվում էր Գաֆեսճեան հիմնադրամի հաշվեկշռի տակ։

 

Մյուսը որոշմամբ՝ «Կանազ» մշակութային կենտրոնն է վերադարձվել քաղաքապետարանին։ Այն հետ է վերցվել ժողովրդական արտիստ Հրանտ Թոխատյանին պատկանող հիմնադրամից։

 

Բանն այն է, որ 2017 թվականին ավագանու որոշմամբ այս մշակութային կենտրոնը 10 տարի ժամկետով փոխանցվել էր Հրանտ Թոխատյանին պատկանող «Արվեստի այբուբեն» հիմնադրամին։ Սակայն 7 տարի անց այն հետ են վերցրել։

 

Քաղաքապետարանի պարզաբանմամբ՝ հիմնադրամը չի կատարել պայմանագրով ստանձնած պարտավորությունները։