Արցախցիների՝ 40+10 հազար դրամ սոցաջակցության տրամադրումը շարունակելու նախագիծը դեռ հաստատված չէ

Արցախից բռնի տեղահանվածներին տրամադրվող «40+10» սոցիալական աջակցության ծրագիրը շարունակելու մասին նախագիծը դեռ չի հաստատվել։ Առաջիկա օրերին այն կներկայացվի Կառավարությանը․ ABC media-ի հետ զրույցում ասել է Աշխատանքի և սոցիալական հարցերի նախարարության մամուլի խոսնակ Զառա Մանուչարյանը։

 

Հիշեցնենք՝ մարտի 12-ին Նիկոլ Փաշինյանը 3,5 ժամ տևած հարցազրույցի ժամանակ անդրադարձել էր նաև Արցախից բռնի տեղահանված հայրենակիցների սոցաջակցությունները շարունակելու թեմային։

 

Ավելի վաղ՝ մամուլում շրջանառվում էր լուրեր, թե աջակցությունը գործելու է միայն անչափահաս և թոշակառու տեղահանվածների համար։ Աշխատունակները չեն օգտվելու ծրագրից։ Այս հայտարարությունից հետո արցախցիները հավաքվել էին Աշխատանքի և սոցիալական հարցերի նախարարության դիմաց՝ պահանջելով հանդիպում նախարարի հետ։

 

Նրանց ընդունել էր նախարարության ներկայացուցիչն ու տեղեկացրել՝  սոցաջակցություն կստանան նաև 2020 թվականին տեղահանվածները, անչափահասներն ու թոշակառուները։ Աշխատունակ համարվող անձինք չեն ստանա։