Պեսկովը Հայաստանն ու Ռուսաստանը եղբայրական երկրներ է կոչել՝ չնայած ներկայիս բարդ հարաբերություններին
Ռուսաստանը և Հայաստանը մնում են եղբայրական երկրներ՝ չնայած հարաբերություններում առկա դժվարություններին։ Այսպիսի գնահատական է տվել ՌԴ նախագահի մամուլի քարտուղար Դմիտրի Պեսկովը։
«Պեսկովի խոսքով՝ Հայաստանը Ռուսաստանի Դաշնության համար նույնիսկ ավելին է, քան եղբայրական երկիր, թեև երկու երկրներն այժմ ապրում են հարաբերությունների բավականին բարդ շրջան։ Դրանք նույնիսկ ավելին են, քան եղբայրականը, քանի որ այստեղ ավելի շատ հայեր են ապրում, քան բուն Հայաստանում»,- ընդգծել է Պեսկովը։
Պետության ղեկավարի մամուլի քարտուղարը նշել է, որ այս հայերի՝ Ռուսաստանի Դաշնության քաղաքացիների տնտեսական ակտիվությունը կազմում է Հայաստանի ընդհանուր բյուջեի շատ մեծ տոկոսը՝ տարեկան մինչև մի քանի միլիարդ դոլար։
«Մենք հուսով ենք, որ Երևանում կտիրի քաղաքական կամք՝ շարունակելու մեր հարաբերությունների զարգացումը և մենք հաջողությամբ կանցնենք այս դժվարին շրջանը», – նշել է Պեսկովը։
Հայաստանի վարչապետ Նիկոլ Փաշինյանը վերջերս քննադատել է Մոսկվայի հետ հարաբերությունները։ Նա, մասնավորապես, դադարեցրել է Երևանի մասնակցությունը պաշտպանական միացյալ դաշինքի՝ ՀԱՊԿ–ի աշխատանքներին, ինչպես նաև դադարեցրել է ռուս սահմանապահների աշխատանքը մայրաքաղաքի օդանավակայանում, որը իրականացվում էր 1992 թվականից։
