ՊՆ մեքենայի վթարից տուժած զինծառայողներից մեկի վիճակը ծանր է, նրան վիրահատում են

ՊՆ ավտոմեքենայի վթարից տուժած զինծառայողներից մի քանիսը «Էրեբունի» բժշկական կենտրոնում են, 5-ը՝ «Մուրացան» զինվորական հոսպիտալում. տեղեկացնում է ABC media-ի թղթակիցը, որն այս պահին հոսպիտալի մոտ է։

«Զինծառայողների մեկի վիճակը գնահատվում է ծանր։ Այս պահին նրան վիրահատում են»,- բակում հավաքված ծնողներին ասել են ռազմական ոստիկանության ներկայացուցիչները։

Հիշեցնենք, որ ապրիլի 12-ին ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի հատվածից և հայտնվել հարակից ձորակի տարածքում:

Վթարի հետևանքով կա 4 զոհ ու 20 վիրավոր։